უკრაინის პრეზიდენტის ადმინისტრაციის ხელმძღვანელის მრჩეველი მიხაილ პოდოლიაკი რუსეთს მარიუპოლთან დაკავშირებით „სპეცმოლაპარაკებებს“ სთავაზობს.
მისი თქმით, რუსული არმია განაგრძობს საარტილერიო და ავიათავდასხმებს „აზოვსტალის“ ტერიტორიაზე, რომელსაც უკრაინელი სამხედროები და მშვიდობიანი მოქალაქეები აფარებენ თავს.
ამის შეწყვეტისთვის პოდოლიაკი რუსეთს სთავაზობს სააღდგომოდ ცეცხლის შეწყვეტას მარიუპოლში, ჰუმანიტარული დერეფნების ორგანიზებას მშვიდობიანი მოქალაქეებისთვის და სამხედროების გასაცვლელად „მოლაპარაკების სპეციალური რაუნდის“ გამართვას.
