დაზარალებული ოჯახების დახმარების საკითხი სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომაზე განიხილეს

დაზარალებული ოჯახების დახმარების საკითხი სტიქიური მოვლენების შედეგად მიყენებული ზარალის სალიკვიდაციო შერეული სამთავრობო კომისიის სხდომაზე განიხილეს.

სხდომაზე წარმოდგენილი იყო აჭარის ექვსივე მუნიციპალიტეტიდან სხვადასხვა პერიოდში ხანძრითა და სტიქიით დაზარალებული ოჯახების დახმარების საკითხი.

დადებითი გადაწყდა ხელვაჩაურის მუნიციპალიტეტში სტიქიით დაზარალებული 15 ოჯახის – ჯამში 184 438 ლარით დახმარების საკითხი.

სხდომას აჭარის ჯანმრთელობისა და სოციალური დაცვის მინისტრი, ნინო ნიჟარაძე ხელმძღვანელობდა.

აჭარის მთავრობა სტიქიისა და ხანძრის შედეგად დაზარალებულ 215 ოჯახს 1 462 825 ლარს გამოუყოფს. თანხა ავტონომიური რესპუბლიკის ბიუჯეტის სარეზერვო ფონდიდან გაიცემა.

სამთავრობო კომისიის რეკომენდაცია აჭარის მთავრობის თავმჯდომარეს დასამტკიცებლად უახლოეს დღეებში გადაეგზავნება.

მიმდინარე წელს, ამავე კომისიის გადაწყვეტილებით რესპუბლიკური ბიუჯეტით გათვალისწინებული სარეზერვო ფონდიდან, 109 ოჯახზე უკვე გამოყოფილია 1 107 976 ლარი.