ქუთაისის მერიის სააღდგომო საჩუქარს წელს 4000-მდე ბენეფიციარი მიიღებს. ამის შესახებ ინფორმაციას ქუთაისის მუნიციპალიტეტის მერია ავრცელებს.
მათივე ცნობით, სააღდგომო საჩუქარს მიიღებენ სოციალურად დაუცველი ოჯახები, მრავალშვილიანი დედები, მარტოხელა დედები,ძალადობის მსხვერპლები, შშმ პირებთან მომუშავე ორგანიზაციები, ომისა და სამხედრო ძალების ვეტერანები, 100 და მეტი წლის მოქალაქეები, ღვაწლმოსილი და საპატიო მოქალაქეები, „მადლიერების სახლის“ და სოციალური საცხოვრისის ბენეფიციარები. კუთვნილი ნობათის აღებას მოქალაქეები შეძლებენ საცხოვრებელი ადგილის მიხედვით, შესაბამის ადმინისტრაციულ ერთეულებში და „მადლიერების სახლში“.