უკრაინის ალყაში მოქცეულ ქალაქ მარიუპოლიდან მშვიდობიანი მოსახლეობის ევაკუაციის პროცესის გაგრძელება დღეს შუადღიდან იგეგმება, – ამის შესახებ უკრაინის ვიცე-პრემიერმა ირინა ვერეშჩუკმა განაცხადა.
„თუ ყველაფერი კარგად წავა, კვლავ შევეცდებით ქალების, ბავშვებისა და მოხუცების ევაკუაციას“, – დაწერა ვერეშჩუკმა სოციალურ ქსელში.
შეგახსენებთ, გუშინ უკრაინაში ჰუმანიტარული დერეფნები არ გახსნილა. ხუთშაბათს კი ქალაქ მარიუპოლიდან ზაპოროჟიეში ოთხი საევაკუაციო ავტობუსი ჩავიდა, რომელშიც 80 ადამიანი იმყოფებოდა.