შარშან ჟენევის ფორმატი საერთოდ არ გამართულა, არც ონლაინ რეჟიმში. წელს კი ჩემს კოლეგასთან საქმიანი საუბარიც არ მქონია, – ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში, ზურაბ აბაშიძემ „ქრონიკაში“ განაცხადა.
„საქართველოზე დაბალი სახელმწიფოთაშორისო ურთიერთობა რუსეთთან მსოფლიოში არცერთ სახელმწიფოს არ აქვს, გარდა უკრაინისა, ისიც ომის შემდეგ. დიპლომატიური ურთიერთობები რუსეთთან არ გვაქვს, ჩვენ მათთან ფაქტობრივად კონტაქტი არ გვაქვს. ჟენევაში ვხვდებოდით და ის ჟენევის ფორმატიც იშვიათად იმართება. შარშან, ეს ჩვენი ფორმატი საერთოდ არ გამართულა, არც ონლაინ რეჟიმში. წელს კი ჩემს კოლეგასთან საქმიანი საუბარიც არ მქონია“, – განაცხადა ზურაბ აბაშიძემ.