დიდუბის რაიონის გამგეობა ავტოფარეხების დემონტაჟს წერეთლის გამზირის მიმდებარედ, კიდევ ერთ მისამართზე ახორციელებს. მირცხულავას ქუჩის N1-ში ხუთი ავტოფარეხისა და ჯიხურის დემონტაჟი მიმდინარეობს. დემონტაჟის შემდგომ ტერიტორიაზე გამწვანების სამუშაოები განხორციელდება და ასფალტის საფარი დაიგება.
მიმდინარე პროცესს დიდუბის რაიონის გამგებელი ვლადიმერ ძნელაძე თბილისის საკრებულოს დიდუბის მაჟორიტარ დეპუტატ გივი ჩხარტიშვილთან ერთად გაეცნო.