“ტაბულა”-ს ჟურნალისტი და მთავარი რედაქტორი ლევან სუთიძე სოციალურ ქსელში წერს და იმ ადამიანებს მიმართავს, ვინც გამუდმებით ამბობდა, რომ მიხეილ სააკაშვილის მდგომარეობა მძიმეა და მისი სიცოცხლე საფრთხეშია:
“სააკაშვილის ჯანმრთელობის მდგომარეობის შესახებ პოსტებს რატომ ვეღარ ვხედავთ, რატომ აღარსად ისმის, რომ მესამე პრეზიდენტს ციხეში კლავენ, რატომ აღარ ვციტირებთ სააკაშვილის სანახავად შესულებსა და გამოსულებს, რატომ აღარავინ ამბობს, რომ მისი ჯანმრთელობა არის მთავარი და სხვა ყველაფერი მეორეხარისხოვანი, რატომ აღარავინ აღარავის სდებს ბრალს არაემპათიურობაში, უგულობასა თუ ფსიქოპატიაში, რატომ აღარავინ წერს, რომ პირად ბოღმას გადააყოლეს ადამიანის სიცოცხლე?
რატომ აღარავინ შიმშილობს, რატომ აღარავინ გრგვინავს, რატომ აღარავინ მძვინვარებს იმ ისტორიის წინაშე, რომელსაც არაემპათიურნი საყდართაგან უნდა დაემხვნა და თანამგრძნობნი აღემაღლებინა?
იმ შვილიშვილებს რაღას მოუყვებით, რომელთა ხათრითაც გუშინ იდექით თქვენ მიერვე არჩეულ ისტორიის ნათელ მხარეს, რაღას მოუყვებით?
გელაპარაკებით და მიპასუხეთ, ამბობს საბაოთ უფალი. სადა არს სიკვდილო საწერტელნი შენნი? სადა არს ჯოჯოხეთო ძლევა შენი? “კაროჩე”…”– წერს ლევან სუთიძე.