დიდუბის რაიონის გამგეობა ახმეტელის ქუჩაზე, დიღმის მასივის მეოთხე კვარტლის 21-ე და 22-ე კორპუსების მიმდებარედ მოსასვენებელი სივრცეების მოწყობის პარალელურად, მიწისქვეშა კომუნიკაციების რეაბილიტაციასაც ახორციელებს.
აღნიშნულ მისამართზე სანიაღვრე ქსელი ეწყობა. პროექტის ღირებულება 86 800 ლარს შეადგენს. მიმდინარე პროცესს დიდუბის რაიონის გამგებელი ვლადიმერ ძნელაძე, მოადგილე ზურაბ უგულავასთან ერთად გაეცნო.