დიღმის მასივში გამწვანების მორიგი აქცია გაიმართა. ამჯერად, ლუბლიანას ქუჩის N11-ში არსებულ სივრცეში ზაზა ფაჩულიას კალათბურთის აკადემიის აღსაზრდელებმა სხვადასხვა სახის ხე-მცენარე დარგეს.
ღონისძიების ფარგლებში, დაირგო როგორც ფოთლოვანი, ასევე, წიწვოვანი ხეები, ასევე, სხვადასხვა სახის ბუჩქი.
აღნიშნული ხეებისა და ბუჩქების რგვასა და მოვლა-პატრონობას გამგეობის კონტრაქტორი კომპანია „საქართველოს ნერგები“ ახორციელებს. სამუშაოები 240 000 ლარის ღირებულების ხელშეკრულების ფარგლებში ხორციელდება.
დიდუბის რაიონის გამგეობა საგაზაფხულო რგვების ფარგლებში, ჯამში, 215 ძირი ფოთლოვანი და წიწვოვანი ხე-მცენარისა და 2 770 ძირი ბუჩქის დარგვას გეგმავს.