ინგა გრიგოლიას ძალიან მოეწონა სალომე ზურაბიშვილის გამოსვლა და კიდევ ერთხელ მიეცა იმედი, რომ მან შესაძლოა ნიკა გვარამია შეიწყალოს. ამის შესახებ გრიგოლიამ 26 მაისს, საკუთარ გადაცემაში განაცხადა, როდესაც გვარამიას გათავისუფლების რაზმის წევრებს ესაუბრებოდა.
“მე ცნობილი ოპტიმისტი ვარ, ხანდახან მიპყრობს ხოლმე რაღაც პესიმიზმი და მერე უცებ ვცოცხლდები და ვფიქრობ, გამორიცხულია, აი როგორ შეიძლება ეს არ დასრულდეს მალე. რომ ვუსმენდი სალომე ზურაბიშვილს, ძალიან მომეწონა მისი გამოსვლა, ისევ გავიფიქრე, იქნებ მან მიიღოს ეს გადაწყვეტილება და ხვალ ცოტა იმედიანად მივდივარ პრეზიდენტის ადმინისტრაციასთან”– განაცხადა ინგა გრიგოლიამ.
27 მაისს, ნიკა გვარამიას გათავისუფლების რაზმი პრეზიდენტის რეზიდენციასთან აქციას გამართავს, სადაც მოუწოდებენ სალომე ზურაბიშვილს, რომ შეიწყალოს ნიკა გვარამია.