დიდუბის რაიონის გამგეობა ახმეტელის ქუჩაზე კორპუსებს შორის მოსასვენებელი სივრცეების მოწყობა-განახლებას განაგრძობს. ამ ეტაპზე, მეექვსე და მერვე კორპუსების მიმდებარედ, უსახური ავტოფარეხების დემონტაჟი მიმდინარეობს, რის შემდგომაც აღნიშნულ სივრცეში მოსახლეობასთან შეთანხმებით, მოსასვენებელი სივრცე მოეწყობა. ჯამში, აღნიშნულ სივრცეში 11 ავტოფარეხის დემონტაჟი მოხდება.
გარდა ამისა, ახმეტელის ქუჩაზე მოსასვენებელი სივრცის მოწყობის სამუშაოები მერვე და მეათე კორპუსების მიმდებარედ, ასევე, 21-ე კორპუსთან ხორციელდება. მიმდინარე პროცესს დიდუბის რაიონის გამგებელი ვლადიმერ ძნელაძე თბილისის საკრებულოს მაჟორიტარ დეპუტატ გივი ჩხარტიშვილთან ერთად გაეცნო.