დიდუბის რაიონის გამგეობა მოსახლეობის განცხადების საფუძველზე მოაჯირებსა და ბოძკინტებს ამონტაჟებს

დიდუბის რაიონის გამგეობა, მოსახლეობის განცხადებების საფუძველზე, რაიონის მასშტაბით უსაფრთხოების მოაჯირებისა და ბოძკინტების მონტაჟს განაგრძობს.
ამ დროისთვის, უსაფრთხოების მოაჯირები დიღმის მასივის მეორე კვარტლის მე-10, მე-10ა, მე-17 კორპუსების მიმდებარედ, ასევე სამტრედიის ქუჩის N3-ში მოეწყო.

ამასთან, ბოძკინტები ჯავახიშვილის ქუჩის N2-სა და ლუბლიანას ქუჩის N38-ში დამონტაჟდა. აღნიშნული სამუშაოებისთვის 18 080 ლარი გამოიყო.
ანალოგიური ტიპის სამუშაოები უახლოეს პერიოდში დიღმის მასივის მესამე კვარტლის მე-6, მე-13 და მე-19 კორპუსების მიმდებარედ იგეგმება.