IMG.GE IMG.GE

მომართვიანობა შემცირებულია და ვფიქრობ, ინფექცია მიდის რეგრესის გზაზე, – ამის შესახებ რესპუბლიკური საავადმყოფოს დირექტორმა ლევან გოფოძემ ჟურნალისტებთან განაცხადა. გოფოძის ინფორმაციით,  რეპუბლიკურ საავადმყოფოში ამ დროისთვის 18 კოვიდინფიცირებული პაციენტი იმყოფება.

„ერთი პერიოდი ახალგახსნილზე იყო შედარებითი მატება, რასაც მატებას ვერ დავარქმევთ. შემდგომში ისევ მოხერხდა მდგომარეობის სტაბილიზაცია. ამჟამად არ იმატებს, ერთ და ორ შემთხვევას მატებას ვერ დავარქმევთ. მომართვიანობა შემცირებულია და ვფიქრობ, ინფექცია მიდის რეგრესის გზაზე.

ჩვენს საავადმყოფოშ მყოფი 18 კოვიდინფიცირებული პაციენტიდან ერთის მდგომარეობა მძიმეა. ის მართვით სუნთქვაზე რჩება, თუმცა პაციენტის სუნთქვის კომპონენტის რიგი პარამეტრები გაუმჯობესდა. დანარჩენი პაციენტების მდგომარეობა დამაკმაყოფილებელია. რაიმე განსაკუთრებული ჩარევა არცერთს არ სჭირდება და ისინი დაკვირვების ქვეშ იმყოფებიან. ველოდებით ხუთი პაციენტის გამოჯანმრთელებას. ახალი კოვიდინფიცირებული ერთი პაციენტი გუშინ გადმოვიყვანეთ. ის ჩვენთან მყოფი ერთ-ერთი ინფიცირებულის დედაა, რომელიც თვითიზოლაციაში ბინაზე იმყოფებოდა. მას ტესტირება იქ ჩაუტარდა, დადებითი პასუხი დაუდასტურდა და ამიტომაც დაგვემატა ეს პაციენტი“, –   განაცხადა გოფოძემ.

კომენტარის დატოვება
IMG.GE
გაზიარება