აჭარის ყველა მუნიციპალიტეტში არჩეულ იქნა პარტიის ხელმძღვანელი პირები, დაკომპლექტდა ბიუროები, დარწმუნებული ვარ პარტიის საქმიანობა კიდევ უფრო გაძლიერდება – განაცხადა „ქართული ოცნების“ აჭარის რეგიონული ორგანიზაციის თავმჯდომარე თორნიკე რიჟვაძემ.
მისი თქმით, კონფერენციები კიდევ უფრო შეუწყობს ხელს პარტიის ეფექტიან საქმიანობას. ,,დღეს ვასრულებთ პარტიის საოლქო კონფერენციებს, შესაბამისად აჭარის ყველა მუნიციპალიტეტში არჩეულ იქნა როგორც პარტიის ხელმძღვანელი პირები, ასევე დაკომპლექტდა ბიუროები.
დარწმუნებული ვარ, პარტიის საქმიანობა კიდევ უფრო გაძლიერდება, კიდევ უფრო მეტად შეგვეძლება დასახული მიზნების ეფექტურად განხორციელება“ – განაცხადა თორნიკე რიჟვაძემ. კონფერენციები გაიმართა ბათუმში, ხულოში, შუახევში, ქედასა და ხელვაჩაურში. პარტიული კონფერენციის ფარგლებში ორგანიზაციის რაიონულ თავმჯდომარეებად მუნიციპალიტეტების მერები აირჩიეს.