დიდუბის რაიონის გამგეობა, მოსახლეობისთვის საცხოვრებელი გარემოს გაუმჯობესების მიზნით, სხვადასხვა ინფრასტრუქტურული პროექტის განხორციელებას განაგრძობს. ბინათმესაკუთრეთა ამხანაგობების განვითარების პროგრამის ფარგლებში სამტრედიის ქუჩის N51-ში მიწისქვეშა კომუნიკაციების რეაბილიტაცია მიმდინარეობს.
პროექტის მიხედვით, იცვლება შიდა და გარე წყლისა და წყალარინების ქსელი. სამუშაოების დასრულების შემდეგ ტერიტორიაზე ასფალტის საფარი დაიგება.
37 430 ლარის ღირებულების სამუშაოებს ტენდერში გამარჯვებული კომპანია „საქ-მშენი“ ახორციელებს.
მიწისქვეშა კომუნიკაციების რეაბილიტაციის პროცესს დიდუბის რაიონის გამგებელი ვლადიმერ ძნელაძე მოადგილესთან, ზურაბ უგულავასთან ერთად გაეცნო და ადგილობრივ მოსახლეობას შეხვდა.