“ძალიან ვწუხვარ, რომ 2018-ში ზურაბიშვილის აქტიური მხარდამჭერი ვიყავი”- წერს ანალიტიკოსი გია აბაშიძე სოციალურ ქსელში და ეხმიანება პრეზიდენტის ინტერვიუს ტვ პირველთან, რომელშიც მან თქვა, რომ ბიძინა ივანიშვილი ოლიგარქია.
“პრეზიდენტ სალომე ზურაბიშვილის ინტერვიუს “ტვ პირველთან” არ ეწოდება ნეიტრალური, პოლიტიკური არბიტრის გამონათქვამები. ეს არის საკუთარი სურვილით ამ ქალბატონის მიერ მორალურ-ზნეობრივი ლეგიტიმაციის დაკარგვა ამომრჩევლებში და ‘ნინოლომჯარიზაცია’.
არასოდეს ვთვალთმაქცობ და არ გავურბივარ წარსულ აქტივობას. ძალიან ვწუხვარ, რომ 2018-ში ზურაბიშვილის აქტიური მხარდამჭერი ვიყავი “ნაცების” რუსი გრიგოლ ვაშაძის საპირწონედ.
დასანანია, რომ პოლიტიკური რენეგატების ჭაობში ჩაეფლო, მარტივად ნაცსექტანტების ნიშამდე დაეცა კიდევ ერთი პოლიტიკური სუბიექტი, რომელსაც ქვეყნის უმაღლესი თანამდებობა უკავია. თუმცა, ღალატი, სამწუხაროდ, პოლიტიკის მიღმა საახლობლოში არაერთს გვინახავს…”- წერს გია აბაშიძე.