დიდუბის რაიონის გამგეობის მიერ დაფინანსებული ინფრასტრუქტურული პროექტების ფარგლებში, მიწისქვეშა კომუნიკაციების მოწყობის სამუშაოები დიღმის მასივში მიმდინარეობს.
დიღმის მასივის მესამე კვარტლის 35-ე და 36-ე კორპუსების მიმდებარედ, 220 გრძივი მეტრის სანიაღვრე ქსელი ეწყობა.
ადგილობრივი მცხოვრებლებისთვის უხვი ნალექის დროს სანიაღვრე ქსელის გაუმართაობა წლების განმავლობაში პრობლემას წარმოადგენდა. სამუშაოების დასრულების შემდეგ კი ეს პრობლემა მოგვარდება.
სანიაღვრე ქსელის მონტაჟის პროექტს, გამგეობის დაკვეთით, ტენდერში გამარჯვებული კომპანია „საქ-მშენი“ ახორციელებს. სამუშაოებისთვის ადგილობრივი ბიუჯეტიდან 52 675 ლარი გამოიყო. სამუშაოების შემდეგ ეტაპზე, ტერიტორიაზე ასფალტის საფარიც მოწესრიგდება.
მიმდინარე სამუშაოებს დიდუბის რაიონის გამგებელი ვლადიმერ ძნელაძე მოადგილესთან, ზურაბ უგულავასთან ერთად გაეცნო.
საქართველოს არაკეთილმოსურნეთა ყველა გეგმა ჩავარდა, „ქართული ოცნების“ გუნდი გაიწმინდა, ხალხის მხარდაჭერით...