IMG.GE ___________________________________ IMG.GE

თამარ ჩერგოლეიშვილმა აღიარა ის, რაზეც ჩვენ წლების განმავლობაში ვსაუბრობდით – ყველამ ვიცოდით, რომ საველე სამუშაოებს „ნაცმოძრაობასთან“ აფილირებული ან ამ პარტიის წარმომადგენლებით დაკომპლექტებული ორგანიზაციები აწარმოებდნენ. სწორედ ეს იყო იმის მიზეზი, რომ ხან 15 და ხან 30%-იანი აცდენა იყო ამ კვლევებში. ეს იყო მათთვის ერთადერთი ოდნავ ლეგიტიმური საშუალება, რომ საზოგადოებრივ აზრზე გარკვეული ზეგავლენა მოეხდინათ, – ამის შესახებ პარლამენტის თავმჯდომარის მოადგილემ, მამუკა მდინარაძემ ტელეკომპანია „იმედის“ გადაცემაში განაცხადა.

„თამარ ჩერგოლეიშვილმა ცოტა სხვა სიტყვებით, მაგრამ პრაქტიკულად აღიარა, რომ ისინი წინასაარჩევნო კვლევებს აყალბებდნენ. კერძოდ, მან თქვა, რომ ნიკა გვარამია და მისი არხი მალავდნენ რეალურ მონაცემებს იმის შესახებ, რომ სააკაშვილის პრემიერობის მომხრე მისი პარტიის მხარდამჭერთა ნახევარიც კი არ იყო. რამდენიმე დღის წინ სააკაშვილმა ჩაწერა მისთვისვე უსარგებლო ვიდეორგოლი, რომელშიც თქვა, რომ დაუშვა მძიმე შეცდომები. ბუნებრივია, აბსოლუტურად ყველა ხვდება, რომ საუბარი იყო მძიმე დანაშაულებზე, რომელთა ნაწილზეც ის ბრალდებული ან მსჯავრდებულია და ეს სტრასბურგის სასამართლომაც დაადასტურა. ახლა ეს „ნაცმოძრაობის“ წარმომადგენელმაც აღიარა. ჩვენ ამაზე ვსაუბრობდით წლების განმავლობაში, ყოველი არჩევნების წინ. ჩვენ ვხედავდით ავტორიტეტული საერთაშორისო ორგანიზაციების მიერ გამოქვეყნებულ შედეგებს და ყველამ ვიცოდით, რომ საველე სამუშაოებს „ნაცმოძრაობასთან“ აფილირებული, ან ამ პარტიის წარმომადგენლებით დაკომპლექტებული ორგანიზაციები აწარმოებდნენ. სწორედ ეს იყო იმის მიზეზი, რომ ხან 15 და ხან 30%-იანი აცდენა იყო ამ კვლევებში. ეს იყო მათთვის ერთადერთი ოდნავ ლეგიტიმური საშუალება, რომ საზოგადოებრივ აზრზე გარკვეული ზეგავლენა მოეხდინათ“,- განაცხადა მდინარაძემ.

კომენტარის დატოვება
IMG.GE
გაზიარება