სააკაშვილმა კვლავ ვერ დაასახელა ჩამოსვლის თარიღი

___________________________________

ყოფილი პრეზიდენტი არ აკონკრეტებს, როდის ჩამოვა საქართველოში, ან საერთოდ, თუ ჩამოვა. მიხეილ სააკაშვილმა სპეციალურ ვიდეომიმართვაში თქვა, რომ ისეთ პირობებში ჩამოვა,  რაც არ გამოიწვევს დაპირისპირებას ან არეულობას.

მან  ფორმალურად დაადასტურა თანხმობა, რომ იყოს გაერთიანებული ოპოზიციისა და “ნაციონალური მოძრაობის” მიერ წარდგენილი პრემიერ-მინისტრობის კანდიდატი.

18 წუთიან მიმართვაში ყოფილი პრეზიდენტი კიდევ ერთხელ იხდის ბოდიშს, მისი თქმით დაშვებული შეცდომების გამო და ამბობს, რომ ის გულწრფელია. სააკაშვილის თქმითვე, მას  არ სურს თანამდებობა, თუმცა ქვეყანაში არსებული ვითარების გამო მიდის ამ ნაბიჯზე.

სააკაშვილი მაქსიმუმ 2 წლით გეგმავს პრემიერ-მინისტრობას, მისი ვარაუდით, ეს საკმარისი დრო იქნება ქვეყნის “ჭაობიდან ამოსაყვანად”