ახმეტის მუნიციპალიტეტის სოფ.კოღოთოში 20 აღსაზრდელზე გათვლილი საბავშვო ბაღის სარეაბილიტაციო სამუშაოები აქტიურად მიმდინარეობს. პროექტით გათვალისწინებულია სახურავის, ეზოს, ფასადის, შიდა სანტექნიკური, კარ-ფანჯრების, ელ. მომარაგების და გათბობის მოწყობის სამუშაოები.
ამ ეტაპზე მიმდინარეობს შენობის შიდა სარემონტო სამუშაოები, რომელსაც ტენდერში გამარჯვებული კომპანია შ.პ.ს ,,სპექტრი“ ასრულებს. აღნიშნული პროექტი რეგიონებში განსახორციელებელი პროექტების ფონდიდან ფინანსდება და მისი ღირებულება შეადგენს 250 000 ლარს. სამუშაოები უახლოეს მომავალში დასრულდება.