ეს ვერ და არ მოხდება – კახა კალაძე სააკაშვილის გათავისუფლებაზე

პირველივე დღიდან დაიწყო მოქმედება იმისთვის, რომ ყველაფერი გააკეთონ სააკაშვილის გათავისუფლებისთვის, მაგრამ ეს ვერ და არ მოხდება, – ამის შესახებ თბილისის მერმა, კახა კალაძემ განაცხადა.

მისი თქმით, რაც ჰქონდათ დაგეგმილი სააკაშვილის „შემოგდებით“, ქვეყანაში დაპირისპირება და არეულობა, არ გამოუვიდათ.

„პირველივე დღიდან დაწყებული კამპანია, რაც ჩაუფლავდათ, ე.წ. სპეცოპერაცია, რაც ჰქონდათ დაგეგმილი სააკაშვილის შემოგდებით, ქვეყანაში დაპირისპირება და არეულობა, ეს არ გამოუვიდათ. შესაბამისმა სამსახურებმა ძალიან მაღალ დონეზე. პირველივე დღიდან დაიწყო უკვე მოქმედება იმისთვის, რომ ყველაფერი გააკეთონ სააკაშვილის გათავისუფლებისთვის, მაგრამ ეს ვერ და არ მოხდება“, – განაცხადა კახა კალაძემ.

ექიმმა თამარ დავარაშვილმა „ქრონიკასთან“ საუბარში განმარტა, თუ რატომ თქვა უარი მსჯავრდებული ექსპრეზიდენტის, მიხეილ სააკაშვილის მკურნალობაზე. დავარაშვილის განცხადებით, ამის მიზეზი გახდა ის, რომ სააკაშვილმა მას სუსის აგენტი უწოდა.