მიხეილ სააკაშვილი მეხოტბე ჟურნალისტი ნათია ჭკუასელი (კობერიძე) ამბობს, რომ “უკრაინელი ხდება” მას შემდეგ, რაც ომი დასრულდება. ამის შესახებ მან სოციალურ ქსელში დაწერა:
“მორჩეს ომი. მე უკრაინელი ვხდები, გუშინ გადაწყდა, ერთი სატელეფონო ზარით! მაპატიე, სამშობლოვ, უბედურო.
მომბეზრდა საკუთარ ქვეყანაში სრულ უმცირესობაში ყოფნა. სულ ვმარგინალიზდები. ჰოდა, აგერ ცხოვრების მეორე ნახევარს გავატარებ ჩემი ჭკუის ხალხთან.”– წერს ნათია ჭკუასელი (კობერიძე) რომელსაც კომენტარში გამოეხმაურა “ტვ პირველი”-ს წამყვანი, ასევე სააკაშვილის მეხოტბე ეკა მიშველაძე და დაწერა, რომ მასაც უნდა, სავარაუდოდ “უკრაინელად გახდომა”.
უკრაინელობა სურდა ასევე სააკაშვილის მეხოტბე კოტე ყუბანეიშვილსაც, რომელიც ცოტა ხნის წინ ამბობდა, რომ სახლის გაყიდვას და ოდესაში გადასახლებას გეგმავს, თუმცა უცნობია, თუ რა ეტაპზეა მისი გეგმები.