IMG.GE ___________________________________ IMG.GE

პარლამენტის ვიცე-სპიკერის, გია ვოლსკის განცხადებით, იმ კანონპროექტის მიზანი, რომლის მიხედვითაც, შესაძლოა, შენგენის ზონაში გამგზავრების მსურველ საქართველოს ზოგიერთ მოქალაქეს საზღვრის გადაკვეთის უფლება არ მიეცეს, პოლიტიკური და საერთაშორისო ინტერესების დაცვაა. როგორც ვოლსკი აცხადებს, სახელმწიფოს აქვს ვალდებულება, თავის მოქალაქეებს მისცეს მითითება და შეზღუდოს ისინი, თუ ეს მათივე ინტერესების საწინააღდმეგოდ იქნება შემოტრიალებული.

„ამ კანონპროექტის მიზანი არის ერთადერთი, რომ საქართველოს ავტორიტეტი საერთაშორისო დონეზე, მითუმეტეს ვიზიბერალიზაციის ესოდენ მნიშვნელოვანი პოლიტიკური გადაწყვეტილების შემდეგ, არ დაეცეს და ქვეყანამ თავისი პოლიტიკური და საერთაშორისო ინტერესები დააზღვიოს. ეს არ უნდა მოხდეს ადამიანების უფლებების ხარჯზე და კონკერტულ ადამიანს ყველა დოკუმენტი უნდა ჰქონდეს შესაბამისობაში იმ სტარდატებთან, რომელიც იმ საზღვარზე დახვდებათ, რათა იქ ჩასულს არ მოუწიოს წვალება, უკან დაბრუნება, სხვა ხარჯების და ახალი პრობლემების გაჩენა. ამ კანონის მთავარი არსი ამაშია და როგორც პოლიტიკურ, ასევე ადამიანების ინტერესებზეა გათვლილი. პოლიტიკური ოპონენტები ეცდებიან ეს სათავისოდ გამოიყენონ, მაგრამ სახელმწიფოს აქვს ვალდებულება, რომ თავისი საერთაშორისო ავტორიტეტი დაიცვას. სახელმწიფოს აქვს ვალდებულება თავის მოქალაქეებს მისცეს მითითება და შეზღუდოს ისინი, თუ ეს მათივე ინტერესების საწინააღდმეგოდ იქნება შემოტრიალებული“, – განაცხადა ვოლსკიმ.

ცნობისთვის, „საქართველოს მოქალაქეების საქართველოდან გასვლისა და საქართველოში შემოსვლის წესების შესახებ“ საქართველოს კანონში ცვლილების შეტანის თაობაზე კანონპროექტის მიხედვით, მოქალაქეებს, რომლებიც შენგენის ზონაში მიემგზავრებიან, თუმცა ყველა დოკუმენტი წესრიგში არ აქვთ, შესაძლოა, საქართველოს საზღვრის გადაკვეთაზე უარი ეთქვათ.

კომენტარის დატოვება
IMG.GE
გაზიარება