IMG.GE ___________________________________ IMG.GE

დღევანდელი მონაცემებით, მკურნალობის ეტაპზე მყოფი კორონავირუსით ინფიცირებული 251 პაციენტიდან სამის მდგომარება კრიტიკულია, 15-ის კი მძიმედ ფასდება. ამის შესახებ თბილისის ინფექციური საავადმყოფოს სამედიცინო დირექტორმა, მარინა ეზუგბაიამ განაცხადა.

დღევანდელი მონაცემებით, კოვიდცენტრებში 251 დადასტურებული შემთხვევა მკურნალობს. რეანიმაციული და ინტენსიური თერაპიის განყოფილებაში სამი კრიტიკული პაციენტი, 15 კი მძიმეა. დანარჩენი პაციენტების მდგომარეობა საშუაოლო და საშუალოზე მსუბუქია“, – განაცხადა მარინა ეზუგბაიამ.

მისი თქმით, უშუალოდ ინფექციურ საავადმყოფოში კორონავირუსის ახალი შემთვევებიდან კლინიკას ექვსი პაციენტი დაემატა. მისივე ინფორმაციით, ინფექციურში მყოფი 13 კოვიდინფიცირებულიდან ერთის მდგომარეობა კრიტიკულია, კიდევ ერთი მძიმედ ფასდება, დანარჩენების ჯანმრთელობის მდგომარეობა საშუალო სიმძიმისაა.

„ჩვენს ცენტრში გუშინ ცხრა დადასტურებული შემთხვევა გვყავდა. გამოჯანმრთელდა ორი. დაგვემატა ექვსი ახალი დადასტურებული შემთხვევა. დღევანდელი მონაცემებით, ინფექციურში 13 კოვიდინფიცირებული მკურნალობს. მათგან ერთის მდგომარეობა კვლავ კრიტიკულია, ერთი მძიმედ ფასდება, დანარჩენების ჯანმრთელობის მდგომარეობა საშუალო სიმძიმისაა“, – აღნიშნა ეზუგბაიამ.

ბოლო 24 საათში საქართველოში კორონავირუსის 38 ახალი შემთხვევა დაფიქსირდა, ხოლო 17 პაციენტი გამოჯანმრთელდა.

კომენტარის დატოვება
IMG.GE
გაზიარება