დიღმის მასივში, მეხუთე კვარტლის მე-16 კორპუსის მიმდებარედ, საგზაო ინფრასტრუქტურის მოწესრიგება მიმდინარეობს. პროქტის ფარგლებში, 1800 კვ.მ ფართობზე ასფალტის ორფენიანი საფარი იგება. წესრიგდება როგორც ტროტუარები, ასევე სამანქანო გზა.
გზის რეაბილიტაციის ღირებულება 130 000 ლარია. ინფრასტრუქტურულ სამუშაოებს დიდუბის რაიონის გამგეობის დაკვეთით ტენდერში გამარჯვებული კომპანია „ბი ემ სი“ ასრულებს.
გარდა ამისა, დიდუბის რაიონის გამგეობამ სამ მისამართზე, თამარ მეფის გამზირის N2-ის მიმდებარედ, მეტრეველის ქუჩის N22-სა და ვორონონის ქუჩის N10-ის თბილისური ტიპის ეზოებში ასფალტის მოწესრიგება დაასრულა. ჯამში, ასფალტის საფარი 655 კვ.მ ფართობზე დაიგო, რისთვისაც ადგილობრივი ბიუჯეტიდან 30 200 ლარი გამოიყო.