ხელვაჩაურის მუნიციპალიტეტის საკრებულოს 2023 წლის პირველი სხდომა ჩატარდა.
ხელვაჩაურის მუნიციპალიტეტის მერმა ზაზა დიასამიძემ 2023 წლის ბიუჯეტში შესატან ცვლილებებზე ისაუბრა.
განხორციელებული ცვლილებების შედეგად ბიუჯეტის ხარჯვით ნაწილს 1 769 395 ლარი ემატება.
სხდომაზე ეკომიგრანტი ოჯახებისათვის სოფელ ორთაბათუმში დაგეგმილი მრავალბინიანი საცხოვრებელი სახლის სამშენებლო სამუშაოებისა და ახალსოფლის საბავშვო ბაღის სამშენებლო-სარეაბილიტაციო სამუშაოების შესყიდვასთან დაკავშირებით ისაუბრეს.
შეხვედრაზე “ხელვაჩაურის მუნიციპალიტეტის საკუთრებაში არსებული უძრავი ქონების აჭარის ავტონომიური რესპუბლიკის საკუთრებაში გადაცემის შესახებ” საკითხი განიხილეს.
საკრებულოს სხდომაზე 13 საკითხი დამტკიცდა.