თეა წულუკიანის განცხადებით პოლონეთში, მიხეილ სააკაშვილზე მიღებული რეზოლუციის ავტორი ვანო მერაბიშვილის მეგობარია. ვიცე-პრემიერმა სეიმის რეზოლუცია არამეგობრულ ჟესტად შეაფასა. პოლონეთმა, დოკუმენტი 13 იანვარს მიიღო.
„ვწუხვარ, მაგრამ უნდა ჩაითვალოს, რომ პოლონეთის სეიმიდან გვაქვს არამეგობრული ჟესტი, თუმცა ამ ჟესტს აქვს ძალიან მარტივი ახსნა და გასაგები ხდება ყველაფერი, როდესაც ვხედავთ, რომ ამ არამეგობრული ჟესტის შესაბამისი რეზოლუციის უკან დგას მისი ავტორი – ბატონი ვანო მერაბიშვილის უახლოესი მეგობარი ქალბატონი გოშევსკა. ამით ყველაფერი არის უკვე ახსნილი. ჩვენს საზოგადოებას კი ახსნა და განმარტება არ სჭირდება, ვინ არის ვანო მერაბიშვილი. პოლონურ საზოგადოებას აქვს ამის საჭიროება, რომ ავხსნათ, ვინ არის ვანო მერაბიშვილი, ესეც შეგვიძლია, რომ ფაქტებით ავხსნათ რა კალიბრის კრიმინალთან გვაქვს საქმე და რისთვის იხდიდა ის სასჯელს“, – განაცხადა წულუკიანმა.