___________________________________
ზუგდიდის „ტექნოპარკში” რეგიონის მეწარმეებისთვის საგადასახადო საკითხზე უფასო ტრეინინგი მიმდინარეობს, – ამის შესახებ ინფორმაციას სავაჭრო პალტა ავრცელებს.
მათი განცხადებით, ტრეინინგი განკუთვნილია, როგორც ფიზიკური პირებისათვის/მცირე მეწარმეებისათვის, ასევე იურიდიული პირებისათვის. ბიზნეს სექტორისთვის ჩატარდება ორი დამოუკიდებელი სესია. მეწარმეები ინფორმაციას მიიღებენ მნიშვნელოვანი საკითხების, მათ შორის სფეროში არსებულ სიახლეების, ასევე მეწარმეთა მხრიდან ყველაზე ხშირად დაშვებული შეცდომების გამოსწორების შესახებ.
ამასთან, მონაწილეებს შესაძლებლობა ექნებათ პროგრამის გარდა, ნებისმიერ მნიშვნელოვან საკითხზე შეკითხვები დასვან და ამომწურავი პასუხი მიიღონ.
„ტრეინინგს სავაჭრო პალატის მიერ მოწვეული საგადასახადო ექსპერტი ლაშა კობერიძე უძღვება, რომელიც ასევე შემოსავლების სამსახურის აუდიტის დეპარტამენტის საგადასახადო შემოწმების სამმართველოს უფროსია. იგი 2010 წლიდან შემოსავლების სამსახურის გუნდის წევრია და აქტიურადა ჩართული საგადასახადო და აუდიტის მიმართულებით განხორციელებულ ცვლილებებსა და პროექტებში. სავაჭრო პალატა ტრეინინგების ჩატარებას სხვა რეგიონებშიც გეგმავს“, – აცხადებენ ორგანიზატორები.
საპატრულო პოლიციას INL-ის მიერ საგზაო მოძრაობის უსაფრთხოებისთვის საჭირო აღჭურვილობა გადაეცა