„ქართული ოცნების“ თავმჯდომარე ირაკლი კობახიძე ბუბა კიკაბიძის გარდაცვალების გამო მწუხარებას გამოთქვამს. შესაბამისი განცხადება კობახიძის Facebook-ის გვერდზე გამოქვეყნდა.
„ღრმა მწუხარებას გამოვთქვამ ბუბა კიკაბიძის გარდაცვალების გამო. ბუბა კიკაბიძემ, როგორც გამორჩეულმა კინომსახიობმა და მომღერალმა, ხალხის განსაკუთრებული სიყვარული დაიმსახურა. ვუსამძიმრებ ბუბა კიკაბიძის ოჯახის წევრებს, მეგობრებსა და ახლობლებს, ყველას, ვისთვისაც ძვირფასია მისი შემოქმედება“, – აცხადებს კობახიძე.
84 წლის ასაკში მომღერალი, მსახიობი, რეჟისორი, სცენარისტი ვახტანგ (ბუბა) კიკაბიძე გარდაიცვალა.