როდესაც ადამიანს ოჯახის წევრი გარდაეცვლება, უცნაური ხდება – ისეთი ლაღი და ბედნიერი ვეღარ არის, ისე ვეღარ მხიარულობს და განსაკუთრებით უფრო უცნაური ხდება, როდესაც მოუკლავენ და მისი მკვლელი აქეთ გედავება და პრეტენზიებს გიყენებს, იმის ნაცვლად, რომ ოდნავი სინანული რაღაცაში გამოხატონ და შენდობა სთხოვონ,- ამის შესახებ სულხან მოლაშვილის ძმამ, თორნიკე მოლაშვილმა „ქრონიკასთან“ განაცხადა.
„ვინმე მამაჩემთან მივიდა და შვილის მოკვლისთვის პატიება სთხოვა?“, – განაცხადა მოლაშვილმა.
პრეზიდენტის რეზიდენციასთან 28 დეკემბერს აქცია გაიმართა, რომლის მონაწილეებმა სალომე ზურაბიშვილს მოუწოდეს, არ შეიწყალოს მიხეილ სააკაშვილი.
საქართველოს პრეზიდენტმა სალომე ზურაბიშვილმა მის რეზიდენციასთან შეკრებილ მოქალაქეებს ასე მიმართა: აქ რომ მოვარდით, მაინტერესებს, ის ადამიანები, რომლებიც ავრცელებენ ჩემს შესახებ მათივე შექმნილ ჭორებს, სად იყვნენ 2007-ში, როცა უკვე მომხდარი იყო მიშას დროინდელი ტრაგედიები?
აქციაზე შეკრებილებს მიხეილ სააკაშვილის დედამ გიული ალასანიამ, „საეჭვო ხალხი“ უწოდა.