ბევრი ვალდებულება, რომელიც წლების განმავლობაში არ სრულდება, უნდა შესრულდეს, რათა ქართველმა ხალხმა ევროპულ ოჯახში ინტეგრაციის ეს უნიკალური შანსი ხელიდან არ გაუშვას, – ამის შესახებ პარტია „ლელოს საქართველოსთვის“ გენერალურმა მდივანმა, ბადრი ჯაფარიძემ ჟურნალისტებს საქართველო ევროკავშირის წევრობის განაცხადთან დაკავშირებული კითხვარის მიღებასთან დაკავშირებით განუცხადა.
„ჩვენ გვაქვს ეს უნიკალური შანსი და იგი ხელიდან არ უნდა გავუშვათ. ამიტომ, ყველანი უნდა ვიყოთ კონცენტრირებული იმაზე, რომ ეს კითხვარი ძალიან სწრაფად იყოს შევსებული. ყველა ის ვალდებულება, რომელიც დაეკისრება ჩვენს სახელმწიფოს, ეს არის ბევრი ვალდებულება, რომელიც წლების განმავლობაში არ სრულდება, უნდა შესრულდეს, რათა ქართველმა ხალხმა ევროპულ ოჯახში ინტეგრაციის ეს უნიკალური შანსი ხელიდან არ გაუშვას“, – განაცხადა ჯაფარიძემ.
მანამდე ევროკომისარმა ოლივერ ვარჰეიმ Twitter-ზე დაწერა, რომ საქართველოსა და მოლდოვას ევროკავშირში წევრობის განაცხადთან დაკავშირებულ კითხვარს 11 აპრილს გადასცემს.