IMG.GE ___________________________________ IMG.GE

გიორგი შაქარაშვილის გარდაცვალების საქმეზე ბრალდებული არასრულწლოვნის, ზ.ხ.-ს ადვოკატის, გიორგი გელხაურის ინფორმაციით, დღევანდელ პროცესზე შესავალ სიტყვასთან ერთად, გურამ ამირხანაშვილის მეხუთე ჩვენებაზე და მედიის საშუალებით ნაჩვენებ სიუჟეტზე გაამახვილებენ ყურადღებას, რომელშიც გურამ ამირხანაშვილის ტელეფონი და მასში არსებული მიმოწერა იყო ნაჩვენები.

ადვოკატის თქმით, სასამართლოში დააყენებენ საკითხს, რომ ტელეფონი მასში არსებული მიმოწერებით მტკიცებულების სახით წარმოადგინონ.

,,დღევანდელ პროცესზე დაცვის მხარე წარადგენს შესავალ სიტყვას, ასევე ვისაუბრებთ ამირხანაშვილის მეხუთედ შეცვლილ ჩვენებაზე, რომელიც თქვენთვის ცნობილია. ასევე ვისაუბრებთ ტელეფონზე და დავაყენებთ საკითხს, რომ სასამართლოში მტკიცებულების სახით წარმოვადგინოთ ის ტელეფონი, მინაწერები და სიუჟეტი, რომელიც გავრცელდა მედიის მეშვეობით. იმედი მაქვს, რომ სასამართლო საბოლოოდ მიიღებს ობიექტურ გადაწყვეტილებას,” – აღნიშნა გიორგი გელხაურმა.

მისივე განცხადებით, ზ.ხ. შიმშილობას განაგრძობს და მაღალი საზოგადოებირივი ინტერესიდან გამომდინარე, სიცრუის დეტექტორის გამოყენება თავისუფლად შესაძლებელია.

არასრულწლოვანი შიმშილობას კვლავ განაგრძობს, მისი მოთხოვნები უცვლელია და ითხოვს იმავე მოთხოვნების დაკმაყოფილებას. ჩვენი ინფორმაციით, უსაფრთხოების სამსახურს სიცრუის დეტექტორი აქვს და მაღალი საზოგადოებირივი ინტერესიდან გამომდინარე თავისუფლად შესაძლებელია ამ მოთხოვნის დაკმაყოფილება,” – განაცხადა გიორგი გელხაურმა.

კომენტარის დატოვება
IMG.GE
გაზიარება