ცესკო: ქუთაისში დიდ საარჩევნო უბნებზე ელექტროენერგიის გათიშვის შესახებ ინფორმაცია სიმართლეს არ შეესაბამება

216
წაკითხვა/ნახვა
IMG.GE

ელექტროენერგია კვლავ ხდება არჩევნების დღეს სხვადასხვა დაინტერესებული მხარის მხრიდან მანიპულაციის თემა.

ცესკო-ს განმარტებით, კვლავ ვრცელდება ინფორმაცია, რომ ხდება მასობრივად ელექტროენერგიის გათიშვა საარჩევნო უბნებზე, რაც შესაძლოა, საარჩევნო პროცესის მიზანმიმართულად დაზიანების მცდელობას წარმოადგენდეს.

„გავრცელდა ინფორმაცია, რომ ქუთაისში დიდ საარჩევნო უბნებზე (იგულისხმება ამომრჩეველთა რაოდენობის თვალსაზრისით) ელექტროენერგია გათიშეს; აღნიშნული კი სიმართლეს არ შეესაბამება. ქუთაისში 2 საარჩევნო უბანს მხოლოდ რამდენიმე წუთი შეუწყდა ენერგომომარაგება. ელექტროენერგია ტექნიკური პრობლემის გამო 2 საარჩევნო უბანს გაეთიშა რუსთავში, სადაც უკვე მიტანილია გენერატორები და უბნები ჩვეულ რეჟიმში აგრძელებენ მუშაობას.

კვლავ მოვუწოდებთ საარჩევნო პროცესებში ჩართულ მხარეებს, არ გაავრცელონ არასწორი ინფორმაცია და არ შეიყვანონ საზოგადოება შეცდომაში“, – აღნიშნულია გავრცელებულ ინფორმაციაში.

კომენტარები
რეკლამა ____________ IMG.GE
მოწონება