საქართველოს საგარეო საქმეთა სამინისტრო უკრაინის ქალაქ კრამატორსკის სარკინიგზო სადგურზე რუსეთის მიერ სარაკეტო იერიშის მიტანას ეხმაურება.
„აბსოლუტურად გამანადგურებელია რუსეთის შეტევის ხილვა კრამატორსკის სადგურზე, რომელიც მშვიდობიანი მოქალაქეების ევაკუაციისთვის გამოიყენებოდა. მტკიცედ ვგმობთ მორიგ სასტიკ თავდასხმას უდანაშაულო ადამიანების წინააღმდეგ. ჩვენ ვდგავართ უკრაინის გვერდით“, – აღნიშნულია განცხადებაში.
ავიადარტყმის დროს კრამატორსკის სადგურზე დაახლოებით 4000 ადამიანი იმყოფებოდა, რომლებიც ევაკუაციას ელოდებოდნენ. სარაკეტო დარტყმის შედეგად დაიღუპა 52 ადამიანი, 109 კი დაშავდა.