იუსტიციის სამინიტრო მიხეილ სააკაშვილს სთავაზობს, მისივე არჩეული უცხოელი ექიმის ჩამოყვანას, რომელსაც საქართველოს ხელისუფლება მის მკურნალობაში ჩართვის შესაძლებლობას მისცემს. ამის შესახებ იუსტიციის მინისტრმა რატი ბრეგაძემ, დღეს გამართულ ბრიფინგზე განაცხადა.
„გამომდინარე იმ მაღალი პასუხისმგებლობიდან, რომლითაც სახელმწიფო თითოეული ადამიანის სიცოცხლესა და ჯანმრთელობას ეკიდება, ახლაც გამოვთქვამთ მზადყოფნას და მსჯავრდებულ სააკაშვილს ვთავაზობთ, რომ ჩამოიყვანოს ნებისმიერი უცხოური კლინიკიდან ნებისმიერი ექიმი, რომელსაც სახელმწიფო მისცემს შესაძლებლობას, რომ ჩაერთოს მის მკურნალობაში“,– განაცხადა რატი ბრეგაძემ.