შეიძლება ხვალ გვითხრან, რომ აქციის ჩატარების უფლება მოგვეცით პლენარულ სხდომათა დარბაზშიო. არ ვიცი რამდენად სერიოზულად უნდა მოვეკითხოთ ამ საკითხს, – ასე გამოეხმაურა საპარლამენტო უმრავლესობის წევრი ანრი ოხანაშვილი „საერთაშორისო გამჭვირვალობა-საქართველოს“ მიერ გამოქვეყნებულ რეკომენდაციას.
„რაიმე კვლევა თუ აქვთ, რომელ ქვეყანაში ხდება პლენარულ სხდომაზე შესაბამისი უსაფრთხოების ზომების და შესაბამისი პროცედურების გავლის გარეშე დასწრება. ყველგან არსებობს შესაბამისი წესი და პროცედურები“, – აცხადებს ოხანაშვილი.
რატომ უნდა ჰქონდეს ნებისმიერ მსურველს პარლამენტში უკონტროლოდ შესვლის შესაძლებლობა – „საერთაშორისო გამჭვირვალობა-საქართველოს“ მორიგი სადავო რეკომენდაცია. ორგანიზაციის მოსაზრებით, მოქალაქეებს საშვი არ უნდა სჭირდებოდეთ.