ვემხრობი გამჭვირვალე წესს, სადაც ადამიანებს ექნებათ საშუალება თუნდაც, დაინახონ, თუ ვინ ვის მისცა ხმა, – ამის შესახებ ჟურნალისტებს „ნაციონალური მოძრაობის“ წევრმა, გიორგი ბოტკოველმა პარტიაში მიმდინარე პროცესებზე საუბრისას განაცხადა.
„მაქსიმალური უნდა გავაკეთოთ, რომ ყოველგვარი გარე დაპირისპირების გარეშე წარიმართოს ეს პროცესი და მაქსიმალურად უნდა შევეცადოთ, ყველაფერი გავაკეთოთ ამისთვის.
რაც შეეხება ფორმატსა და არჩევნების წესს, თავადაც ჩართული ვარ ამ პროცესში, ვარ ჯგუფის წევრი. მაქსიმალურად ვემხრობი გამჭვირვალე წესს, სადაც ადამიანებს ექნებათ საშუალება თუნდაც, დაინახონ, თუ ვინ ვის მისცა ხმა“, – განაცხადა ბოტკოველმა.
„ნაციონალური მოძრაობა“ შიდა არჩევნებისთვის ემზადება. ახლა საორგანიზაციო ჯგუფში იმას არკვევენ, რა ფორმით მოხდება პარტიის თავმჯდომარის არჩევა. ამ ფონზე კი მერაბიშვილი-კეზერაშვილისა და ახალაია-მელიას კლანების დაპირისპირება გადამწყვეტ ფაზაში შედის.