ვირუსების დროს ზოგიერთ შემთხვევებში მოზარდებში არის შემთხვევები, რომ ორი დღე ნათელი პერიოდია და შემდეგ ისევ გრძელდება ცხელება. ან შესაძლოა, ცხელება 5-6 დღე გაგრძელდეს, – ამის შესახებ ციციშვილის ბავშვთა ახალი კლინიკის სამედიცინო დირექტორმა, მაია ჩხაიძემ განაცხადა.
საქართველოში რამდენიმე ტიპის ვირუსი ცირკულირებს. გაზრდილია კლინიკებში მიმართვიანობაც, თუმცა ექიმების განცხადებით, საგანგაშო არაფერია. სპეციალისტები პიკურ პერიოდს დეკემბრის შუა რიცხვებიდან ელოდებიან.
„სასურვლია, ახალშობილები და ჩვილები სიმპტომების გამოვლენისთანავე კონტაქტში იყვნენ ექიმებთან, პედიატრს გაასინჯონ და მათი მეთვალყურეობის ქვეშ იყვნენ. ბრონხიოლიტის დიაგნოზით, როგორც წესი, საშუალო და მძიმე მიმდინარეობის დროს, ჰოსპიტალიზაცია ესაჭიროებათ.
მოზრდილ ბავშვებს, რომელთაც აქვთ ტემპერატურა, უბრალოდ, მშობლების შფოთვას იწვევს შეუპოვარი ტემპერატურა. ამ ვირუსების დროს ზოგიერთ შემთხვევებში არის ასეთი შემთხვევები, რომ ორი დღე ნათელი პერიოდია და შემდეგ ისევ გრძელდება ცხელება. ან შესაძლოა, მაღალი ცხელება 5-6 დღე იყოს. ასეთ დროს აუცილებელია, ცხელების სწორი მართვა, სიცხის დამწევი საშუალებებით. ამავე დროს უნდა მივაწოდოთ სითხე და ელექტროლიტები, რათა ორგანიზმი არ გამოშრეს. ცხელების დროს ბავშვის ორგანიზმი კიდევ უფრო მეტ სითხესა და ელექტროლიტებს კარგავს. მშობლებმა კლინიკას იმ შემთხვევაში მიმართონ, მოზრდილებში განსაკუთრებით, თუ იქნება სუნთქვის გაძნელება“, – განაცხადა ჩხაიძემ.