ოპოზიციას ამ არჩევნებში გამარჯვების არანაირი შანსი არ აქვს – კახა კალაძე

179
წაკითხვა/ნახვა
IMG.GE

ოპოზიციას ამ არჩევნებში გამარჯვების არანაირი შანსი არ აქვს. ერთადერთი პოლიტიკური გუნდი, ვინც გაიმარჯვებს ყველა რაიონში, ყველა ქალაქში და საკრებულოში იქნება უმრავლესობით წარმოდგენილი, ეს გახლავთ პარტია „ქართული ოცნება“, – ამის შესახებ თბილისის მერმა, პარტია „ქართული ოცნების“ მერობის კანდიდატმა, კახა კალაძემ იმედის გადაცემაში „პირისპირ“ განაცხადა

მისი თქმით, „ქართული ოცნება“ ერთადერთი პოლიტიკურ ძალაა, ვინც ხალხს საარჩევნო პროგრამაზე ელაპარაკება.

„წინასაარჩევნო პერიოდი მშვიდ გარემოში მიმდინარეობს, თუ არ ჩავთვლით იმ რამდენიმე კონკრეტულ ფაქტს, რომელიც სამწუხაროდ მოხდა და ვიცით ჩვენ ეს დესტრუქციული პოლიტიკური ძალა, რას წარმოადგენს, რა მეთოდებს იყენებს და რა არის მათი ხელწერა. ეს სამწუხარო რეალობაა. ოპოზიციას არანაირი შანსი არ აქვს ამ არჩევნებში გამარჯვების. ერთადერთი პოლიტიკური გუნდი, ვინც გაიმარჯვებს ყველა რაიონში, ყველა ქალაქში და საკრებულოში იქნება უმრავლესობით წარმოდგენილი, ეს გახლავთ პარტია „ქართული ოცნება“. არ იფიქროს ვინმემ, რომ ვტრაბახობ და სიტყვების რახარუხით ვარ აქ მოსული, ამის თქმის შესაძლებლობასა და უფლებას მაძლევს ის განწყობა და დამოკიდებულება ჩვენი გუნდის მიმართ, რაც საზოგადოებაშია. ძალიან ბევრი შემიძლია ვისაუბრო თბილისზე, თუ როგორი თანადგომა და მხარდაჭერა გვაქვს. გავიდეთ ქუჩაში და ნებისმიერ ადამიანს ვკითხოთ ჩემზე, ჩვენს გუნდზე, გაკეთებულ საქმეებზე, სამომავლო გეგმებზე და ვნახავთ, როგორი რეაგირება ექნება საზოგადოებას. ოპონენტები, ის დესტრუქციული ძალები არჩევნებისა და საარჩევნო პროგრამის გარდა საუბრობენ ყველაზე და ყველაფერზე, არადა ხალხს აინტერესებს, რა გაკეთდება მის უბანში, რაიონში, კონკრეტულად მის საცხოვრებელ ქუჩაზე და ა.შ. ერთადერთი გუნდი ვართ, ვინც კონკრეტულ საქმეებზე ვსაუბრობთ“, – განაცხადა კახა კალაძემ.

კომენტარები
რეკლამა ____________ IMG.GE
მოწონება