შსს-ს შიდა ქართლის დეპარტამენტთან სოფელ კარბში მცხოვრები ლუკა ბიძინაშვილის ოჯახის წევრები არიან შეკრებილი

210
წაკითხვა/ნახვა
IMG.GE

შინაგან საქმეთა სამინისტროს შიდა ქართლის დეპარტამენტთან სოფელ კარბში მცხოვრები 23 წლის ლუკა ბიძინაშვილის ოჯახის წევრები არიან შეკრებილი.

ლუკა ბიძინაშვილის მამა აცხადებს, რომ დაახლოებით ერთი საათის წინ მისი შვილი სოფლიდან „შკოდას“ მარკის ავტომანქანით წაიყვანეს.

ოჯახი ინფორმაციის მიღებას სამართალდამცველებისგან ცდილობს.

„მეგობართან ერთად იყო სოფელში. როგორც მოყოლით ვიცი, „შკოდას“ მარკის მანქანა გაჩერდა, ჯერ გაჩხრიკეს და შემდეგ მანქანაში ჩასვეს. არ ვიცით, ვინ წაიყვანა და სად. ამის გარკვევას ვცდილობთ ახლა პოლიციასთან. ვერაფერს გვეუბნებიან,“ – აცხადებს ლუკა ბიძინაშვილის მამა ლევან ბიძინაშვილი.

შსს-ში საქართველოს პირველ არხს დაუდასტურეს, რომ ლუკა ბიძინაშვილი გამოკითხვაზე იმყოფება, თუმცა დეტალებზე არ საუბრობენ.

კომენტარები
რეკლამა ____________ IMG.GE
მოწონება