ამ თვეების განმავლობაში მე ვხედავ მცდელობას, რომ ოპიზიციის მიერ მართული არხები გარკვეულწილად მიზანმიმართულად ცდილობენ საზოგადოება დააბნიონ. მაგალითად, ევროპარლამენტარებს, ვთქვათ კუბილიუსის განცხადებებს აიგივებენ ევროკავშირთან, ევროპარლამენტის რეზოლუციას აიგივებენ ევროკავშირის გადაწყვეტილებებთან, – ამის შესახებ პარლამენტის თავმჯდომარის მოადგილე არჩილ თალაკვაძემ „ქრონიკაში“ განაცხადა.
„ამავე დროს, როდესაც მართლა ევროკავშირის წარმომადგენელი ჩამოვიდა საქართველოში, კომისარი, რომელიც სამეზობლო პოლიტიკასა და გაფართოებაზეა პასუხისმგებელი, მის განცხადებას მოჰყვა მყისიერი თავდასხმები. ქალბატონი სამადაშვილი, მისი კოლეგები, ე.წ. ტრიო, გამოდიან და აკრიტიკებენ ევროკომისარს და აკრიტიკებენ ერთადერთი იმედით, რომ შეულახონ რეპუტაცია საქართველოს“, – განაცხადა თალაკვაძემ.