ზემო ქედსა და ქვემო ქედში ახალი სპორტული მოედნები ეწყობა
დედოფლისწყაროს მუნიციპალიტეტის მერი ნიკოლოზ ჯანიაშვილი მუნიციპალიტეტის ადმინისტრაციულ ერთეულებში სპორტული ინფრასტრუქტურის განახლების სამუშაოების მონახულებას განაგრძობს. მერი ამჯერად სოფელ ზემო ქედსა და ქვემო ქედს ეწვია და ახალი სპორტული მოედნების მოწყობის სამუშაოებს ადგილზე გაეცნო. სოფელ ზემო ქედში ორი ახალი მინი სპორტული მოედნის მშენებლობა მიმდინარეობს-ე.წ. ,,ქსნელების უბანში’’ და გმირთა მემორიალის მიმდებარე ტერიტორიაზე , ხოლო ქვემო ქედში მინი სპორტული სტადიონისა და ბავშვთა გასართობი მოედნის მოწყობა მიმდინარეობს. სამივე ინფრასტრუქტურული პროექტის დასრულება მიმდინარე წლის ბოლოსთვისაა დაგეგმილი.