ვინ იქნება „ნაციონალური მოძრაობის“ ახალი თავმჯდომარე – თემა ისევ მსჯელობის საგანია. მმართველ პარტიაში მიაჩანიათ, რომ „ნაცმოძრაობაში“ შიდაპარტიული არჩევნები ფორმალურია და გამარჯვებული ლევან ხაბეიშვილი იქნება, რადგან მას ზურგს კეზერაშვილი უმაგრებს.
„არის ორი ძირითადი დაჯგუფება – კეზერაშვილის და მერაბიშვილის და მელიას დაჯგუფება. მეტი ფული არის კეზერაშვილი-მერაბიშვილის მხარეს და აქედან გამომდინარე, სავარაუდოდ, ისინი გაიმარჯვებენ, შესაბამისად, მოსალოცი ამბავია – ხაბეიშვილი გახდება „ნაციონალური მოძრაობის“ თავმჯდომარე, რაც იქნება სრული ლუსტრაცია ამ პოლიტიკური პარტიის. საბოლოოდ აჩვენებენ საკუთარ სახეს“, – განაცხადა „ქართული ოცნების“ თავმჯდომარემ, ირაკლი კობახიძემ.