ხაბეიშვილი და „ნაცმოძრაობა“ ფერი ფერს და მადლი ღმერთსო – როგორი სასაცილო პარტიაც არის, ასეთივე ლიდერებს მოუწევთ მისი ფორმალური ხელმძღვანელობისთვის კონკურენციის გაწევა

ხაბეიშვილი და „ნაცმოძრაობა“ ფერი ფერს და მადლი ღმერთსო – რაც არის „ნაცმოძრაობა“, ისეთი ხელმძღვანელი შეიძლება აირჩიონ და ღმერთმა მშვიდობაში მოახმაროთ ეს ყველაფერი, – ამის შესახებ ფრაქცია „ქართული ოცნების“ თავმჯდომარე მამუკა მდინარაძემ განაცხადა.

„როგორი სასაცილო ორგანიზაცია და პარტიაა „ნაცმოძრაობა“, ასეთივე ლიდერებს მოუწევთ მის ფორმალურ ხელმძღვანელობაზე კონკურენციის გაწევა. რეალური ხელმძღვანელი არც მელია ყოფილა და არც სხვა იქნება, ვისაც აირჩევენ. მიმდინარეობს გავლენების განაწილება, ნაძარცვი თანხების განკარგვის უფლების განაწილება, ეს არის მათი შიდა ბრძოლის საფუძველი. მგონი, მათი ოლიგარქები მაგრად აშაყირებენ თავიანთ პარტიას, უკვე ერთობიან, ისეთებს ასახელებენ თავმჯდომარეობის კანდიდატად“, – აღნიშნავს მდინარაძე.

„ნაციონალური მოძრაობის“ პარტიის თავმჯდომარის პოსტზე, ლევან ხაბეიშვილმა საკუთარი კანდიდატურა დაასახელა. ის პარტიის თავმჯდომარის არჩევნებში მიიღებს მონაწილეობას.