უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა, რომ უკრაინას აღმოსავლეთ პოლონეთში მომხდარ აფეთქებაში რუსული კვალის მტკიცებულება აქვს.
მანამდე ნატოს გენერალურმა მდივანმა, იენს სტოლტენბერგმა განაცხადა, რომ წინასწარი მონაცემებით, პოლონეთში მომხდარი ინციდენტი, სავარაუდოდ, უკრაინის საჰაერო თავდაცვის სისტემის რაკეტით იყო გამოწვეული.
ოლექსი დანილოვმა აღნიშნა, რომ უკრაინას თავის პარტნიორებთან ერთად ინციდენტის ერთობლივი შესწავლა და იმ ინფორმაციის დანახვა სურს, რომელიც საფუძვლად უდევს მოკავშირეების დასკვნას.
მისი თქმით, კიევი სრულიად ღიაა სიტუაციის ყოვლისმომცველი შესწავლისთვის.