განვიხილეთ დამატებითი მხარდაჭერა, რომელიც ნატოს მოკავშირეებს შეუძლიათ გაუწიონ ისეთ პარტნიორებს, როგორიცაა ბოსნია და ჰერცეგოვინა და საქართველო, – განაცხადა აშშ-ის სახელმწიფო მდივანმა, ენტონი ბლინკენმა ნატოს მინისტერიალის დასრულების შემდეგ გამართულ პრესკონფერენციაზე.
„ჩვენ განვიხილეთ დამატებითი მხარდაჭერა, რომელიც ნატოს მოკავშირეებს შეუძლიათ გაუწიონ ისეთ პარტნიორებს, როგორიცაა ბოსნია და ჰერცეგოვინა და საქართველო, რომლებიც ყველაზე დაუცველნი არიან რუსული აგრესიისა და საფრთხეების მიმართ, დაწყებული კიბერუსაფრთხოებით და დამთავრებული დეზინფორმაციასთან ბრძოლით“, – აღნიშნა აშშ-ის სახელმწიფო მდივანმა.
მანამდე ნატოს გენერალურმა მდივანმა განაცხადა, რომ მოკავშირეები შეთანხმდნენ, რომ ჩვენ უნდა დავეხმაროთ სხვა პარტნიორებსაც, მათ შორის საქართველოს, რათა მათ გააძლიერონ თავიანთი მედეგობა და თავდაცვის შესაძლებლობა.