___________________________________
„გირჩი“ არ აპირებს, თავის ამომრჩევლებს ოპოზიციური კანდიდატების მხარდაჭერისკენ მოუწოდოს.
იაგო ხვიჩიას განცხადებით, შესაძლებელია, ოპოზიციის ზოგიერთ კანდიდატს „გირჩმა“ მათ ამომრჩეველთან შეხვედრის საშუალება მისცეს.
„გირჩი ოპოზიციის მაჟორიტარი კანდიდატების შერჩევის პროცესში არ მონაწილეობდა, რადგან ჩვენ უარი ვთქვით მაჟორიტარულ არჩევნებში მონაწილეობაზე. თუ ისინი შეთანხმდებიან, ეს კარგია, გვიანტერესებს ეს კანდიდატები ვინ იქნებიან. შეუძლებელი მგონია, „გირჩის“ მხარდაჭერა ჰქონდეს ყველა კანდიდატს. არ მინდა, ჯერ ვინმეს დავასწრო, ჯერ დაასახელონ და არ მოგვერიდება შემდეგ იმის თქმა ვის დავუჭერთ მხარს და ვის არა. ჩვენ არ ვართ მომწოდებელი პარტია, მით უმეტეს ჩვენი ამომრჩეველი არ არის ის ხალხი, ვისაც მოუწოდებ და ისინი დალაგდებიან საარჩევნო უბანზე ხმის მისაცემად“, – განაცხადა იაგო ხვიჩიამ.
შეეშინდა რომ მაგინა, არ დამსაჯონო და წინსწრებით დამაბრალა მისი გატაცება –...