შალვა პაპუაშვილი – ეუთო/ოდირი-ს დასკვნაში არის დადებითი შეფასება და აღნიშნულია ის, რაზეც ჩვენც ვსაუბრობთ, ეს არის სამწუხარო პოლარიზაცია

161
წაკითხვა/ნახვა
IMG.GE

ეუთო/ოდირი-ს დასკვნაში არის დადებითი შეფასება და აღნიშნულია ის, რაზეც ჩვენც ვსაუბრობთ, ეს არის სამწუხარო პოლარიზაცია, – განაცხადა „ქართული ოცნების“ დეპუტატმა, შალვა პაპუაშვილმა ჟურნალისტებთან საუბრისას.

„გავეცანი და ვნახეთ, რომ არის დადებითი შეფასება. საერთო ჯამში, აღნიშნულია ის, რაზეც ჩვენც ვსაუბრობთ. ეს არის სამწუხარო პოლარიზაცია, რომელიც შეინიშნება და ამაზე მიუთითებდა დღესაც და ამის დამადასტურებელია, რომ პროვოკაციით შედიან ერთი პარტიის წარმომადგენლები მეორე პარტიის შტაბში. ამაზე მეტი პროვოკაცია, მე მგონი, საარჩევნო გარემოში რთულია, წარმოიდგინო. სხვა მხრივ, ვფიქრობ, რომ დადებითი შეფასებები არის და კიდევ ერთხელ, დღემდე ჩვენ გვაქვს მშვიდი გარემო; ხედავთ, რომ „ქართულ ოცნებას“ აქვს საგნობრივი საარჩევნო კამპანია, ოპოზიცია სამწუხაროდ, დაკავებულია დეზინფორმაციით და ზიზღის ენით“, – განაცხადა შალვა პაპუაშვილმა.

ეუთო-ს დემოკრატიული ინსტიტუტებისა და ადამიანის უფლებათა ოფისმა (ODIHR) საქართველოს 2 ოქტომბრის ადგილობრივი თვითმმართველობის არჩევნებთან დაკავშირებით შუალედური ანგარიში გამოაქვეყნა.

კომენტარები
რეკლამა ____________ IMG.GE
მოწონება