რა პროცესებიც მიდის ახლა ნაცმოძრაობაში, ეს არის სწორედ ამ რადიკალიზმის შიგნით გადატანა – როგორი რადიკალურებიც არიან გარეთ, ისე უპირისპირდებიან შიგნით ერთმანეთს. ეს არის მორიელის ბუნება, უკვე შიგნით კბენენ ერთმანეთს, ადრე ცდილობდნენ ჩვენთვის ეკბინათ, ვეღარ გვკბენენ და ახლა ერთმანეთს კბენენ, – ამის შესახებ პარტია „ქართული ოცნების“ თავმჯდომარემ, ირაკლი კობახიძემ გადაცემაში „იმედი LIVE“ განაცხადა.
„ეს არის ძალაუფლებისთვის ბრძოლა, მათ შორის ფულს ვერ იყოფენ ერთმანეთში. იქ კეზერაშვილის ფული, იქ სხვების ფული. კეზერაშვილი აძლევდა ფულს ხაბეიშვილს, ამით უკმაყოფილო დარჩა მელია, მას უნდოდა მისი გავლით დაეფინანსებინა კეზერაშვილს ხაბეიშვილი, რაზეც მწარე უარი უთხრა და ამას მოჰყვა დაპირისპირების კიდევ ერთი ტალღა. ფულს ვერ იყოფენ, ძალაუფლებისთვის იბრძვიან. ჩვენ ვეღარ გვიშვებიან ვერაფერს. ხედავენ, რომ რესურსი არა აქვთ“, – განაცხადა კობახიძემ.