ისინი [რადიკალური ოპოზიცია] 2012 წლიდან შოკში არიან. ეგონათ რომ სასწაული პოლიტიკური მოთამაშეები იყვნენ და უცბად, საყმაწვილო შამათი შეუსრულა ბიძინა ივანიშვილმა, – ამის შესახებ „ქართული ოცნების“ თავმჯდომარემ, ირაკლი კობახიძემ გადაცემა „იმედი LIVE“-ში განაცხადა.
„ამ შოკის გაგრძელებაა ის, რომ დღეს ისინი ბიძინა ივანიშვილს აღიარებენ ზებუნებრივი რესურსების მქონე ადამიანად. ეს ადამიანები ამტკიცებენ, რომ ბიძინა ივანიშვილი არის ზებუნებრივი ძალების მატარებელი ადამიანი, რომელიც საერთოდ დისტანცირებულია, საერთოდ არსად ჩანს, თვეში ერთხელ სადღაც რეკავ და ამით უზრუნველყოფ სახელმწიფოს მართვას, ამით ისინი აღიარებენ რომ ბიძინა ივანიშვილი არის ზებუნებრივი ძალების მატარებელი“, – განაცხადა ირაკლი კობახიძემ.
რადიკალური ოპოზიცია აცხადებს, რომ ბიძინა ივანიშვილი ქვეყანას კულისებიდან მართავს.
„ამერიკის ხმის“ თანამშრომლები ადმინისტრაციულ შვებულებაში გაუშვეს, „რადიო თავისუფლებას“ კი აშშ-ის გლობალური...